Мадриднинг "Реал" клуби ярим ҳимоячиси Эдуардо Камавинга фаолиятини "Ливерпуль"да давом эттириши мумкин. Бу ҳақда CaughtOffside хабар бермоқда.
Манбага кўра, "Ливерпуль" жорий мавсумда атиги 4 марта асосий таркибда майдонга тушган 23 ёшли франциялик хавбек учун "Реал"га қарийб 60 миллион евро беришга тайёр.
Камавинга жорий мавсумда барча мусобақаларни ҳисобга олган ҳолда 14 та учрашувда майдонга тушиб, 1 та гол урди ва 1 та голли узатмани ўз ҳисобига ёздириб қўйди.
Ярим ҳимоячининг "Реал" билан меҳнат шартномаси 2029 йилгача мўлжалланган. Transfermarkt мутахассислари футболчининг нархини 50 миллион еврога баҳоламоқда.
