"Вильярреал" бош мураббийи Марселино Гарсия Тораль Испания чемпионатида ноябрь ойининг энг яхши мураббийи деб топилди, дея хабар бермоқда Ла Лига матбуот хизмати.
Овоз бериш натижаларига кўра, 60 ёшли испаниялик мутахассис "Атлетико" бош мураббийи Диего Симеоне ва "Барселона" устози Ханс-Дитер Фликни ортда қолдирди.
"Вильярреал" 2025 йилнинг ноябрида "Райо Вальекано" (4:0), "Эспаньол" (2:0), "Мальорка" (2:1) ва "Реал Сосьедад"ни (3:2) мағлуб этганди.
"Сариқ сувости кемаси" Испания чемпионати турнир жадвалида учинчи ўринда бормоқда - у 14 ўйиндан кейин 32 очко жамғарган.
