"Ювентус" ҳужумчиси Душан Влахович жароҳати сабаб узоқ муддатга сафдан чиқиши мумкин.

Сербиялик футболчи А Серия 13-туридан ўрин олган "Кальяри"га (2:1) қарши ўйинда чап оёғи мушагидан жароҳат олди. У учрашувнинг 31-дақиқасида захирага олинди.

Кеча Турин клуби футболчида яқинлаштирувчи узун мушакнинг мушак-пай бирикмасида жиддий шикастланиш борлигини маълум қилди. Sky Sport’нинг ёзишича, одатда бундай жароҳатлардан кейин тикланиш 3 ойдан 5 ойгача давом этади. Кейинги текширувлар консерватив даволаш етарли бўлиши ёки жарроҳлик аралашуви кераклигини аниқлаб беради.