"Манчестер Сити" бош мураббийи Хосеп Гвардиола жамоаси ҳужумкор ярим ҳимояси Филип Фоден ҳақида фикр билдирди.

"Умид қиламанки, у бутун фаолияти давомида клубда қолади. У ўзига хос футболчи, академия давридан бери "Манчестер Сити" мухлиси, бунга шубҳа йўқ. Сардорлик боғичига келсак, агар у сардор бўлишни истаса, ҳа. Майдонда у ҳар доим етакчи. У кийиниш хонасида кўп гапирадиганлардан эмас, лекин майдонда ҳеч қачон иккинчи даражали бўлиб қолмайди. У ҳар доим биринчи кунданоқ масъулиятни ўз зиммасига олган, майдонда ажойиб харизмага эга," - дея Гвардиоланинг сўзларини келтиради клуб расмий сайти.

Жорий мавсумда футболчи клуб сафида барча мусобақаларда 17 та ўйинда майдонга тушиб, 6 та гол урди ва 3 та голли узатмани амалга оширди.