Мадриднинг "Реал" клуби собиқ ярим ҳимоячиси Тони Кроос "қаймоқранглилар" ҳужумчиси Винисиус Жуниор ҳақида фикр билдирди.
"Унинг ривожланишини томоша қилиш жуда ажойиб эди. Ҳа, у яна ниманидир яхшилаши мумкин, аммо рақиблар ва мухлисларнинг босимини ҳам инобатга олиш керак. Ўйинчи сифатида у топ, инсон сифатида эса ажойиб. У билан майдонда ва унинг ташқарисида бирга бўлиш жуда ёқимли эди," - дея Крооснинг сўзларини келтиради Madrid Zone.
Жорий мавсумда 25 ёшли бразилиялик футболчи барча мусобақаларда 19та ўйинда майдонга тушиб, бешта гол урди ва еттита ассистни ўз ҳисобига ёздириб қўйди.
