"Барселона" бош мураббийи Ханс-Дитер Флик Мадриднинг "Атлетико" клубига (3:1) қарши ўйин якунлангач, интервью берди.

"Фантастик ўйин. Биз курашдик ва ажойиб рақибни мағлуб эта олдик. Биз ўйинни назорат қилишга ва чизиқлар орасидаги бўшлиқни топишга муваффақ бўлдик, бу жуда муҳим эди. Бу мавсумдаги энг яхши ўйинларимиздан бири - бир тану бир жон бўлиб ҳимояландик. Мен жуда мамнунман. Бугунги ғалаба жамоага ишонч бағишлаши аниқ," - дея Фликнинг сўзларини келтиради Barca Universal.

"Барселона" 37 очко билан Ла Лига турнир жадвалида "Реал" (33), "Вильярреал" (32) ва "Атлетико"ни (31) ортда қолдириб, пешқадамлик қилмоқда.