"Барселона" ҳужумкор ярим ҳимоячиси Дани Ольмо сешанба куни Мадриднинг "Атлетико" клубига қарши ўйинда (3:1) олган жароҳати туфайли сафдан чиқди.
65-дақиқада испаниялик футболчи "кўк-анорранглилар"нинг ўйиндаги иккинчи голини урди, аммо дарҳол захирага олинди. Кейинроқ футболчининг елкаси чиққанлиги аниқланди. Инсайдер Фабрицио Романонинг ёзишича, хавбек уч ҳафта майдонга туша олмайди.
6 декабрь куни "Барселона" "Бетис"га қарши баҳс олиб боради, кейин эса Франкфуртнинг "Айнтрахт" (09.12), "Осасуна" (13.12) ва "Вильярреал" (21.12) жамоаларига қарши ўйин ўтказади.
Дани Ольмо жорий мавсум 17та ўйинда 4та гол ва 2та ассистни ўз ҳисобига ёздириб қўйган.
