Англиялик ҳужумчи Жейми Варди А Серия ўн учинчи турининг сўнгги ўйинида "Болонья"га иккита гол урди, "Кремонезе" эса 3:1 ҳисобида ғалаба қозонди. Ўйиндан сўнг Варди янги жамоасида бахтли эканлигини айтди.
"Жамоамизда ҳамма ишга шай ва ҳеч ким ҳеч нарсадан шикоят қилмайди. Биз барчамиз мавсум бошланишидан олдин белгилаб олган мақсадимиз учун ишлаяпмиз", - дея Вардининг сўзларини келтиради derbyderbyderby.it.
Эслатиб ўтамиз, "Кремонезе" А Серия мусобақа жадвалида ўн биринчи ўринда бормоқда.
Клуб кейинги турда ўз майдонида "Лечче"га қарши баҳс олиб боради. Бу еттинчи декабрда содир бўлади.
