"Бавария" қанот ҳимоячиси Саша Боэ қишки трансфер ойнасида жамоани тарк этиши мумкин.
Bild нашри тарқатган хабарга кўра мюнхенликлар 25 ёшли французни камида 15 миллион евролик таклиф олса, қўйиб юборишга тайёр. Таъкидланишича, Боэ "Кристал Пэлас" эътиборига тушган, бироқ инглиз клуби футболчини ижарага олишни маъқул кўрмоқда.
Боэ 2024 йилда "Бавария" футболчисига айланганди. Бу мавсумда у барча турнирларда 14 та ўйинда майдонга тушди ва битта голли узатмани ўз ҳисобига ёздириб қўйди.
Боэнинг "Бавария" билан амалдаги меҳнат шартномаси 2027/28 йилги мавсум охиригача мўлжалланган. Transfermarkt мутахассислари ҳимоячининг нархини 18 миллион еврога баҳоламоқда.
