"Андижон" янги мавсум учун селекция ишларини бошлаб юборди.
Якунига етган чемпионатни "Бунёдкор" сафида ўтказган грузиялик ярим ҳимоячи Имеда Ашортиа 2026 йилни "бургутлар" либосида ўтказади. Томонлар ўзаро келишувга эришишди ва шартнома имзоланди.
Маълумот учун, Ашортиа 1996 йилнинг 30 октябр куни Грузиянинг Мартвили шаҳрида таваллуд топган. Шу кунгача у Грузиянинг "Мартвили", "Дила", "Колхетти-1913", "Схинвал", "Телави", Озарбайжоннинг "Туран Товуз" ва Қозоғистоннинг "Шахтёр" жамоаларида тўп тепган.
Бу йил "Бунёдкор" сафида Суперлига ва Кубок доирасида жами 33 та учрашувда майдонга тушди. Рақиблар дарвозасига 10 та гол урди ва 2 та голли узатмани амалга оширди.
