Италиянинг "Рома" клуби "Коринтианс" ҳужумчиси Юри Альберто агентлари билан музокараларга киришди. Бу ҳақда Corriere dello Sport нашри хабар бермоқда.
Манбага кўра, римликлар "Манчестер Юнайтед" Жошуа Зиркзеенинг ижараси бўйича таклифни рад этганидан кейин ҳужум чизиғини шу тариқа кучайтирмоқчи.
"Коринтианс" 24 ёшли марказий ҳужумчининг нархини 20-25 миллион еврога баҳоламоқда. "Жаллоросси" ноябрь ойи охирида футболчининг агентлари билан учрашганди.
Юри Альберто жорий мавсум Бразилия чемпионатида 26 та ўйинда майдонга тушиб, 10 та гол урди ва 2 та голли узатмани амалга оширди.
