Франция чемпионатининг икки футболчиси Лондоннинг "Челси" клуби қизиқишлари доирасида. Бу ҳақда Caught Offside журналистлари хабар бермоқда.
Манбага маълум бўлишича, "аристократлар"нинг қизиқишлари доирасида "Лилль"нинг 18 ёшли хавбеки Айюбу Буадди ва "Мец"нинг 16 ёшли форварди Брайан Маджо бор. Англия клуби яқин трансферлар даврида истиқболли футболчилар билан кучайишни режалаштирмоқда.
Англия чемпионатининг 14-туридан сўнг лондонликлар 24 очко жамғариб, турнир жадвалида тўртинчи ўринда бормоқда. Энцо Мареска шогирдлари пешқадам "Арсенал"дан 9 очко ортда қолмоқда.













