"Ньюкасл" бош мураббийи Эдди Ҳау жамоа форварди Йоан Виссанинг ҳолати ҳақида маълумот берди. Футболчи ёзги трансфер ойнасида "қарғалар" сафига қўшилган, аммо дарҳол жароҳат олган ва ҳали ҳам жамоадаги дебютини ўтказмаган.
"Биз унинг қайтишига яқинлашмоқдамиз. Чоршанба куни 11 га 11 ўйинини ўтказдик, қайсидир маънода унинг учун. У майдонда тахминан ярим соат бўлди ва яхши ишлади. Бизда бугун яна машғулот бор, шундан сўнг у қайтишга тайёрми ёки йўқлигини ҳал қиламиз", - дея Хаунинг сўзларини келтиради "қарғалар" матбуот хизмати.
Эртага, 6 декабрь куни Англия премьер-лигасининг 15-туридан ўрин олган "Ньюкасл" - "Бёрнли" учрашуви бўлиб ўтади.
