"ПСЖ" бош мураббийи Луис Энрике жамоасининг 24 ёшли грузиялик ҳужумчиси Хвича Кварацхелия ҳақида гапирди.

"Кварацхелиянинг ўйинидан жуда мамнунман. У юқори даражадаги ўйинчи бўлиб, катта амбицияларга эга. Ўтган мавсумда жамоага келганидан бери кўрсатган даражасига қойил қолдим. Унинг фазилатлари кўп," - дея Энрикенинг сўзларини келтиради клуб расмий сайти.

Жорий мавсумда футболчи клуб сафида Лига 1да 12 та ўйинда майдонга тушиб, 1 та гол урди ва 3 та голли узатмани амалга оширди. Шунингдек, ҳужумчи Чемпионлар Лигасида тўртта ўйин ўтказиб, иккита гол урди ва иккита голли узатмани амалга оширди.