"Манчестер Юнайтед" яримҳимоячиси Кобби Майнуга "Бавария" қизиқиш билдирмоқда.
"Қизил иблислар" бош мураббийи Рубен Аморим 20 ёшли хавбекни жамоасининг асосий таркибида кўрмаяпти, шу боис инглизнинг кетиши ҳақидаги миш-мишлар жорий йилнинг ёзидан буён тинмаяпти.
United Zone хабарига кўра, манкунианликлар тарбияланувчиси учун нафақат Италиянинг "Наполи," балки Германиянинг "Бавария" клуби ҳам даъвогарлик қилмоқда. Бироқ, "МЮ" қишки трансфер ойнасида футболчи билан хайрлашмоқчи эмаслигини бир неча бор маълум қилган.
Маълумки, Кобби Майнунинг ўзи ўйин амалиёти учун ижарага кетишни хоҳлайди. Transfermarkt сайтидаги футболчининг тахминий нархи - 45 млн евро.
