"Ливерпуль" ҳужумчиси Александр Исак ўзининг шов-шувли трансфери ҳақида гапирди.
"Қизиллар" ёзги трансферлар ойнасининг сўнгги соатларида швециялик футболчини "Ньюкасл"дан рекорд даражадаги 145 млн еврога сотиб олди. Бунгача ҳужумчи клубни "Ливерпуль" таклифини қабул қилишга кўндириш учун машғулотларини бойкот қилганди. Футболчи ўз мақсадига эришди, аммо трансфердан кейинги дастлабки ойлар яхши ўтмади.
"Мен ёзда нима бўлганини унчалик ўйламайман. Бу аллақачон ўтмишда қолди - мен ҳозирги кунга эътибор қаратаман ва фақат вазиятни яхшилаш ҳақида қайғураман", - деди Исак Sky’га берган интервьюсида.
Янги ўйинчи Арне Слот жамоаси сафида 12 та ўйинда майдонга тушиб, 2 та гол ва 1 та голли узатмани амалга оширди.
