"Челси" бош мураббийи Энцо Мареска дисквалификация қилинган Мойсес Кайседонинг ўрнини эгаллаётган яримҳимоячи Андрей Сантос ҳақида гапирди.
"Мен ҳар доим ҳалол бўлишга ҳаракат қиламан. Ҳар қандай соҳада бўлгани каби футболда ҳам турли даражалар мавжуд. Афсуски, Андрей Сантос Кайседо эмас, Адарабиойо эса Фофана эмас. Улар ҳар хил, уларнинг маҳорати ҳар хил.
Агар мен Андрей ҳам худди Мойсесга ўхшайди, десам, ёлғон гапираётганимни ўзингиз тушунасиз. Ҳамманинг ўз даражаси бор. Бу менга ҳам тегишли: баъзи мураббийлар мендан яхшироқ, баъзилари эса йўқ", - дея Маресканинг сўзларини келтиради журналист Дом Смит.
