"Chelsi" bosh murabbiyi Enso Mareska diskvalifikasiya qilingan Moyses Kaysedoning o‘rnini egallayotgan yarimhimoyachi Andrey Santos haqida gapirdi.
"Men har doim halol bo‘lishga harakat qilaman. Har qanday sohada bo‘lgani kabi futbolda ham turli darajalar mavjud. Afsuski, Andrey Santos Kaysedo emas, Adarabioyo esa Fofana emas. Ular har xil, ularning mahorati har xil.
Agar men Andrey ham xuddi Moysesga o‘xshaydi, desam, yolg‘on gapirayotganimni o‘zingiz tushunasiz. Hammaning o‘z darajasi bor. Bu menga ham tegishli: ba’zi murabbiylar mendan yaxshiroq, ba’zilari esa yo‘q", - deya Mareskaning so‘zlarini keltiradi jurnalist Dom Smit.
