Ҳозирда хочсимон боғлам жароҳатидан фориғ бўлишга яқин турган Ўзбекистон миллий жамоаси ва Эроннинг "Истиқлол" клуби вингери Жалолиддин Машарипов қачондан ўйинларда иштирок этишга тайёр бўлишини айтди.
«Икки кун олдин MRT текширувидан ўтдим. Натижалар жуда яхши чиқди. Ҳаммаси жойида. Ҳозир тўлиқ умумий гуруҳ машғулотларида ишлашда давом этяпман. Январь ойидан бошлаб жамоа мени лигада қайдномасига киритади ва мен ўйинларда қатнашишим мумкин бўлади. 15 кундан буён умумий гуруҳда тўлиқ ишлаяпман», - деди 32 ёшли вингер YouTube'даги TopPodcast эфирида.













