Hozirda xochsimon bog‘lam jarohatidan forig‘ bo‘lishga yaqin turgan O‘zbekiston milliy jamoasi va Eronning "Istiqlol" klubi vingeri Jaloliddin Masharipov qachondan o‘yinlarda ishtirok etishga tayyor bo‘lishini aytdi.
«Ikki kun oldin MRT tekshiruvidan o‘tdim. Natijalar juda yaxshi chiqdi. Hammasi joyida. Hozir to‘liq umumiy guruh mashg‘ulotlarida ishlashda davom etyapman. Yanvar oyidan boshlab jamoa meni ligada qaydnomasiga kiritadi va men o‘yinlarda qatnashishim mumkin bo‘ladi. 15 kundan buyon umumiy guruhda to‘liq ishlayapman», - dedi 32 yoshli vinger YouTube'dagi TopPodcast efirida.













