Англия чемпионатида 15-турнинг сўнгги ўйини бўлиб ўтди, унда "Манчестер Юнайтед" "Вулверхэмптон"ни йирик ҳисобда мағлуб этди - 4:1.
Англия чемпионатининг яққол аутсайдерига қарши ўйнаган "Манчестер Юнайтед" клуб бошқарувига португалиялик мутахассис Рубен Аморим келганидан буён ўз рекордини ўрнатди. Бутун ўйин давомида жамоа футболчилари "бўрилар" дарвозасига 27 марта зарба беришди, бу Аморимнинг "Манчестер Юнайтед" бошқарувидаги фаолияти давомида энг юқори кўрсаткич бўлди.
Сўнгги марта манкунианликлар икки йил олдин Англия чемпионатида "Челси"га қарши ўйинда рақиблар дарвозасини кўпроқ нишонга олишганди. Ўшанда бу рақамлар 28 эди.
