"Пари Сен-Жермен" яримҳимоячиси Витинья жамоа бош мураббийи Луис Энрикенинг фаолиятидаги ролини юқори баҳолади.
Португалиялик 2022 йилда парижликлар сафига қўшилган, бироқ у 2023 йилдан бери, Энрике клубни бошқарганидан бери таркибда анча муҳим ўрин эгаллаб келмоқда. Ўтган мавсумда "ПСЖ" Чемпионлар Лигасида ғолиб чиққан бўлса, "Олтин тўп-2025" учун курашда Витинья учинчи ўринни эгаллади.
"Мен анчадан бери ўйнайман, шахсий ва профессионал жиҳатдан кўплаб муҳим инсонларни учратганимдан бахтиёрман. Улардан биринчиси Луис Энрике бўлиб, у, шубҳасиз, менинг фаолиятимга ҳал қилувчи таъсир кўрсатди. Ҳа, у бироз зерикарли, лекин бу менга ёқади, чунки у билан фақат такомиллашиш мумкин. У нафақат техник ва тактик жиҳатдан, балки инсоний жиҳатдан ҳам ажойиб мураббий, бу жуда муҳим", - дейди Витинья сўзларини келтиради
