"Реал" футболчиси Орельен Тчуамени жамоанинг бир қатор муваффақиятсиз ўйинлари фонида Хаби Алонсони қўллаб-қувватлади.
Мадридликлар сўнгги етти ўйиннинг фақат иккитасида ғалаба қозонган. Улар 10 декабрь куни Чемпионлар лигаси доирасида "Манчестер Сити"га қарши уй учрашувини ўтказади.
"Ҳаммамиз бир қайиқдамиз. Ғалаба қозонишни истасак, ҳамма курашиши керак. Футболчилар майдонга тушмоқда ва биз яхшироқ ўйнашимиз керак. Эртага вазиятни ўзгартирмоқ учун яхши имкониятимиз бор.
"Сельта" билан ўйинда мураббийнинг яхши режаси бор эди. 0:2 ҳисобида ютқаздик, чунки муаммо футболчиларда эди. Масалан, бизга интенсивлик етишмади. Бу мураббийнинг айби эмас. Биз олға борамиз", - деди Тчуамени.
