"Ливерпуль" клуби қанот ҳужумчиси Муҳаммад Салоҳ "қизиллар" бош мураббийи Арне Слот билан зиддият фонида ижтимоий тармоқларда пост қолдирди. Футболчи Киркбидаги "Ливерпуль" базасидаги тренажёр залидан тушган суратини саҳифасига жойлади.
АПЛ 15-туридан ўрин олган "Ливерпул" - "Лидс" (3:3) учрашувидан сўнг Салоҳ ҳиссиётларга тўла нутқ сўзлаб, бошқа нарсалар қатори Слот ва Мерсисайд клубини ҳурматсизликда айблади. Муҳаммаднинг ўзи бу учрашувда иштирок этмади. Мисрлик захира ўриндиғида ўтириб, майдонда содир бўлаётган воқеаларни кузатди.
Салоҳ 2017 йилнинг ёзидан бери "Ливерпул" шарафини ҳимоя қилмоқда. "Қизиллар" билан бирга вингер АПЛ, Чемпионлар лигаси, клублар ўртасидаги жаҳон чемпионати ва бошқа совринларни қўлга киритди.
