"ПСЖ" ва Франция терма жамоаси ҳимоячиси Лукас Эрнандес Чемпионлар Лигасида учта ўйинга дисквалификация қилинди.
Бу ҳақда FootMercato хабар бермоқда.
26 ноябрь куни "ПСЖ" Чемпионлар Лигаси 5-турида "Тоттенхэм"ни 5:3 ҳисобида мағлуб этди. Иккинчи бўлимга қўшиб берилган вақтда Эрнандес "Тоттенхэм" футболчиси Хави Симонснинг юзига тирсаги билан зарба бергани учун майдондан четлатилди.
Бунинг учун 29 ёшли француз Чемпионлар лигасининг учта ўйинига дисквалификация қилинди. Демак, ҳимоячи жорий турнирнинг гуруҳ босқичи якунланмагунча "ПСЖ"га ёрдам бермайди. Эрнандес "Атлетик" (10 декабрь), "Спортинг" (20 январь) ва "Ньюкасл"га (28 январь) қарши ўйнамайди.
Жорий мавсумда Лукас "ПСЖ"нинг барча мусобақалардаги 13 ўйинида майдонга тушиб, битта голли узатма муаллифи бўлди.













