Чемпионлар Лигаси умумий босқичининг олтинчи тури бошланган куни Opta мутахассислари суперкомпьютер ёрдамида жамоаларнинг турнирда ғалаба қозониш имкониятларини ҳисоблаб чиқишди. Маълум бўлишича, Европанинг энг нуфузли совринини қўлга киритиш учун энг катта имкониятга "Арсенал" эга. Ҳисоб-китоблар шуни кўрсатдики, "канонирлар"нинг Чемпионлар Лигасидаги биринчи ғалабаси эҳтимоли 22,65 фоизни ташкил қилади.

Иккинчи ўринда "Бавария" (18,25%), учликни эса "ПСЖ" (12,8%) якунлаб берган. Кейинги ўринларда "Манчестер Сити" (9,52%), "Барселона" (6,14%) ва "Реал" (5,11%) бормоқда. Қолган жамоаларнинг имкониятлари 5 фоизга ҳам етмайди.

Чемпионлар лигасининг амалдаги ғолиби "ПСЖ" ҳисобланади.