"Монако" ҳужумчиси Магнес Аклиушга "Манчестер Сити" қизиқиш билдирмоқда. Бу ҳақда L'Equipe хабар бермоқда.

Манбага кўра, "Тоттенхэм", Леверкузеннинг "Байер" ва "Пари Сен-Жермен" клублари ҳам футболчининг ўйинларини кузатиб бормоқда, аммо монегаскликлар унинг учун камида 70 млн евро олишни истамоқда, бу эса потенциал харидорларни ўзидан узоқлаштирмоқда.

Клубнинг жорий мавсумидаги 19 ўйинда Аклиуш учта гол урди ва тўртта голли узатмани амалга оширди. Футболчининг князлик клуби билан амалдаги меҳнат шартномаси 2028 йилнинг ёзигача мўлжалланган. Бундан ташқари, Магнеснинг ҳисобида Франция терма жамоаси сафида бешта ўйин ва битта гол бор.