"Барселона" бош мураббийи Ханс-Дитер Флик Чемпионлар Лигаси 2-туридан ўрин олган "Айнтрахт"га (2:1) қарши ўйин охирида вингер Ламин Ямални алмаштиргани ҳақида фикр билдирди.
18 ёшли футболчи голли узатма амалга ошириб, "кўк-анорранглилар"нинг иродали ғалабасига ҳисса қўшди. 56-дақиқада испаниялик сариқ карточка олди, шу сабабли у турнирнинг кейинги ўйинида майдонга тушмайди, 89-дақиқада эса мураббий унинг ўрнига Руни Баргжини майдонга туширди.
"Ямални алмаштиришга қарор қилдик, чунки ўйин тугашига саноқли дақиқалар қолганди, унда эса сариқ карточка бор эди. Унинг норозилигини тушунаман - бу менга ёқади. Мен ҳам футболчи эдим. Ҳаммаси жойида, ҳеч қандай муаммо йўқ," - дея Фликнинг сўзларини келтиради УEФА расмий сайти.
Учрашув қаҳрамони дубль қайд этган ҳимоячи Жюль Кунде бўлди.
