"Барселона" вингери Маркус Рэшфорд Чемпионлар Лигаси доирасидаги "Айнтрахт"га (2:1) қарши ўйинда Жюль Кунденинг дубли ҳақида фикр билдирди.
Англиялик футболчи иккинчи бўлим бошланиши арафасида ҳисоб 0:1 пайтида захирадан майдонга тушди ва 50-дақиқадаёқ Жюль Кунденинг голига ассистентлик қилди. Бироз ўтиб, француз иккинчи голни урди ва "кўк-анорранглилар"га уч очко келтирди.
"Мен шунчаки вазиятлар яратишга ҳаракат қилдим - бахтимга, ўша эпизодда Кунде жарима майдонига отилиб кирди. Биз буни ўйин олдидан машқ қилгандик. Унинг дублидан кейин Жюль учун жуда хурсандман. Бу ажойиб," - дея Рэшфорднинг сўзларини келтиради Barca Universal.
