Сон Хён Мин ЕЧЛ 6-тури доирасида кеча тунда бўлиб ўтган "Тоттенхэм" - "Славия" учрашувини (3:0) стадиондан кузатиб борди.
Ўйин олдидан уни майдонга таклиф қилишди ва клуб томонидан махсус совға топширилди. Стадион эса Сонни тинимсиз олқишлади.
Бундан ташқари, Сон "Тоттенхэм" стадиони яқинидаги янги фрескани ҳам очиб берди. "Шпорлар"нинг эркатой афсонаси фикрларини ҳам билдириб ўтди.
"Умид қиламанки, мени унутиб қўймагансизлар.
Бу ажойиб, тенги йўқ 10 йил бўлди. Сизларга фақатгина раҳмат айтишни хоҳлардим. Мен ҳар доим "Тоттенхем"га мухлислик қиламан ва доимо сизлар биланман.
Бу ер ҳамиша менинг уйим бўлиб қолади. Мен сизларни ҳеч қачон унутмайман".
