Мадриднинг "Реал" клуби собиқ ярим ҳимоячиси Гути Хаби Алонсони қўллаб-қувватлаб, уни "қироллик клуби" учун идеал мураббий деб ҳисоблашини айтди.

Собиқ футболчининг сўзларига кўра, мураббийнинг обрўси борасидаги шубҳалар футболчилардан эмас, балки медиа муҳитидан келиб чиқади. Гути Алонсонинг жамоани қайта қуриш ва вазиятни барқарорлаштириш учун тўлиқ вақти бўлмаганини таъкидлади.

- Шубҳасиз, у ["Реал" учун] ҳаммадан яхши мураббий. Футболчилар мураббийнинг обрўсини туширадими? Аксинча, менимча, уни журналистлар туширмоқда," - дея Гутининг сўзларини келтиради Marca.

"Реал" таркибига изоҳ берар экан, Гути жамоа сифатли тўлдирилганини, аммо жароҳатларнинг кўплиги ўйинга жиддий таъсир кўрсатаётганини таъкидлади, бу ўтган мавсумда ҳам содир бўлган эди.