Саудия Арабистонида "Ливерпуль" ҳужумчиси Муҳаммад Салоҳнинг маҳаллий клублардан бирига ўтганидан хурсанд бўлишади.
Бироқ, клублар "Ливерпуль" ва футболчи билан музокаралар олиб бориши керак, лига уларга ҳеч қандай ёрдам кўрсатмайди.
"Салоҳни Саудия Арабистони лигасида кўришдан хурсанд бўламиз, аммо айнан клублар футболчилар билан музокаралар учун жавобгардир," - дея Саудия Арабистони Про-лигаси бош директори Умар Мугарбелнинг сўзларини келтиради Aawsat.
Аввалроқ, Салоҳга Саудиянинг бирданига бешта клуби, жумладан, Криштиану Роналду тўп тепаётган "Ан-Наср" қизиқиш билдираётгани ҳақида хабарлар тарқалган эди.
Салоҳ "Ливерпуль" бош мураббийи Арен Слот билан жанжаллашиб қолган ва Чемпионлар лигаси доирасидаги "Интер"га қарши ўйин қайдномасидан четлатилган.













