"Барселона" футболчиси Педри Чемпионлар лигаси доирасида "Челси"га қарши ўйинда четлатилганидан сўнг руҳий қийинчиликларга дуч келган жамоадоши Рональд Араухони қўллаб-қувватлади.

Педри жамоа Араухони тўлиқ қўллаб-қувватлашини ва унинг қайтишини кутаётганини таъкидлади. Унинг таъкидлашича, хатолар ҳар бир футболчи билан содир бўлади, аммо футболчи жамоада ҳам, майдондан ташқарида ҳам қўллаб-қувватлашни ҳис қилиши муҳим.

- Бу осон вазият эмас. Унга ҳар томонлама ёрдам бермоқчиман, бу ҳақда шахсан гаплашдик. У оиламиз аъзоси, биз уни жуда яхши кўрамиз. У мен учун худди акамдек. Мен уни жуда яхши кўраман ва умид қиламанки, у имкон қадар тезроқ қайтади," - дея Педрининг сўзларини келтиради Mundo Deportivo.

ОАВ маълумотларига кўра, ҳимоячи бир неча марта хуружларини бошдан кечирган ва клубдан ўзига тикланиш учун вақт беришни сўраган.