"Манчестер Сити" бош мураббийи Хосеп Гвардиола Мадриднинг "Реал" клуби футболчиси Родригонинг ўйинидан ҳайратда эканини айтди.
Бразилиялик футболчи Чемпионлар лигасининг чоршанба куни бўлиб ўтган ўйинининг 28-дақиқасида "шаҳарликлар" дарвозасини ишғол қилди. "Қаймоқранглилар"га бу етарли бўлмади: меҳмонлар танаффусга қадар икки гол уришди ва иккинчи бўлимда устунликни сақлаб қолишди.
«Мен Родригонинг олдига бордим-да, дедим: - Сен жуда ажойибсан. У ҳақиқатан ҳам ақл бовар қилмайдиган ўйинчи», - деди Гвардиола ўйиндан кейин журналистлар билан суҳбатда.
"Манчестер Сити"га қарши ўйингача Родриго "Реал" сафида кетма-кет 32 учрашувда гол ура олмаганди.
