Мадриднинг "Реал" клуби ҳужумчиси Гонсало Гарсия Германиянинг "Штутгарт" клубига ўтиши мумкин. Бу ҳақда журналист Флориан Плеттенберг хабар бермоқда.
Манбага кўра, "Штутгарт" ёзда клублар ўртасидаги жаҳон чемпионатида ўзини кўрсатган 21 ёшли ҳужумчини ўз сафига қўшиб олишни жуда хоҳламоқда. Гарсия "Штутгарт" ўзига ҳужумчи қидираётган деярли барча мезонларга мос келади. Шу билан бирга, клубда бошқа вариантлар ҳам борлиги қайд этилган.
Жорий мавсумда Гарсия барча мусобақаларни қўшиб ҳисоблаганда 14 та учрашувда майдонга тушди ва битта ассист муаллифига айланди. Унинг ҳисобида ҳозирча гол йўқ.
Гарсиянинг "Реал" билан меҳнат шартномаси 2030 йилнинг ярмигача мўлжалланган.
