Айтишларича, 2026 йилги жаҳон чемпионатидан кейин Франция терма жамоасига Зинедин Зидан бош мураббий бўлади. Карим Бенземанинг Зидан билан "учранглилар" муваффақиятга эришишини тахмин қилди.
"Агар Зидан бир кун келиб Франция терма жамоасига мураббий бўлса, у муваффақиятга эришади. Нима бўлишини билмаймиз. Агар Зизу бир кун келиб Франция терма жамоасини бошқарадиган бўлса, унга энг яхши тилакларни билдираман. Аҳамияти йўқ - клубми, терма жамоами... У қаерда ишламасин, ғалаба қозонади, ҳаммаси оддий.
Албатта, биз гаплашиб турамиз. "Реал"да у биринчи рақамли мураббий эди. Агар у Франция терма жамоасига мураббий бўлса, муваффақиятга эришишига шубҳа қилмайман," - деди Бензема L’Equipe нашрига.
Эслатиб ўтамиз, Карим Бензема ҳозирда "Ал-Иттиҳод" шарафини ҳимоя қилади.
