Патрис Эвра "Манчестер Юнайтед" сардори Бруну Фернандешнинг ўйини ҳақида гапирди.

"Бруну ҳақида гапириш ҳар доим нозик мавзу. Ҳаммаси кимни ҳақиқий сардор деб аташларига боғлиқ. Баъзида сардор Рой Кин ёки бошқа биров бўлиши мумкин. Бруну голли узатмаларни амалга оширади ва гол уради - бу борада ҳеч қачон муаммо бўлмаган. Менимча, муаммо у тўпни қабул қилишда жамоани ва темпни назорат қила олишида.

У қаерда ўйнашини менга айта олмайсиз, чунки у ҳамма жойда ҳозир-у нозир. Шунинг учун сардор сифатида баъзан керагидан ҳам кўпроқ иш қилишни хоҳлаб қоласан. Натижада, ҳатто ўз позициянгизда ҳам муваффақиятга эриша олмайсиз. Аммо шу билан бирга, агар Бруну ўйнамаганида, "Юнайтед" ҳозирги жойида бўлмасди," - деди "МЮ"нинг собиқ ҳимоячиси.

15-турдан сўнг "қизил иблислар" АПЛда 6-ўринни эгаллаб турибди.