"Милан" хавбеки Лука Модрич Италия чемпионатидаги футбол даражаси ҳақида фикр билдирди. Хорват "россонерилар" сафига Мадриднинг "Реал" клубидан эркин агент сифатида кўчиб ўтди.
"Италияда жуда қаттиқ ва рақобатбардош лига бор. Лекин бу мени ажаблантирмади, чунки мен тайёр эдим. А Серия ўйинларини болалигимдаёқ кўрганман, бу чемпионатни узоқ кузатганман. Шунинг учун бу ерда нимани кутишни билардим," - дея ярим ҳимоячининг сўзларини келтиради Gazzetta dello Sport.
40 ёшли хавбекнинг миланликлар билан меҳнат шартномаси 2026 йилнинг июнь ойи охирида якунига етади. Унинг бозор қиймати тўрт миллион еврони ташкил этади.
Модрич жорий мавсум А Серияда 14 та ўйинда майдонга тушди ва 1 та гол ҳамда 2 та голли узатмага муаллифлик қилди.
