Франциялик юлдуз ҳужумчи Карим Бензема келаси йилнинг ёзида Саудия Арабистонининг "Ал-Иттиҳод" клубини тарк этиши мумкин. Бу ҳақда инсайдер Николо Скира ижтимоий тармоқлар орқали хабар бермоқда.

Журналистга маълум бўлишича, 37 ёшли ҳужумчи эркин агент мақомида кетишга тайёр. Унинг саудияликлар билан амалдаги меҳнат шартномаси 2026 йилнинг июнида ўз ниҳоясига етади.

Transfermarkt портали баҳосига кўра, Каримнинг ҳозирги бозор нархи етти миллион еврони ташкил этади.

Франциялик марказий ҳужумчи 2025/2026 йилги мавсумда олтита ўйинда қатнашиб, тўртта гол урган.