Миланнинг "Интер" клуби ўнг қанот ҳимоячиси Дензел Дюмфрис келаси йили жамоани тарк этиши мумкин.
Яқинда 29 ёшли футболчи агентини ўзгартирди - энди унинг трансфер бозоридаги манфаатларини Али Барат ҳимоя қилмоқда. Инсайдер Фабрицио Романонинг маълумотларига кўра, латералнинг кейинги йил ёзида кетиш эҳтимоли анча юқори.
Дензел Дюмфриснинг "нерадзуррилар" билан меҳнат шартномаси 2028 йилнинг ярмигача мўлжалланган. Transfermarkt портали экспертлари нидерландиялик футболчининг нархини 35 млн еврога баҳоламоқда.
Жорий мавсумда Дюмфрис Кристиан Киву жамоаси сафида барча мусобақаларда 15 та ўйинда майдонга тушиб, 3 та гол урган.
