Англия ОАВлари Муҳаммад Салоҳнинг "Ливерпуль"ни тарк этиши мумкинлиги мавзусини муҳокама қилишда давом этмоқда.
"Қизиллар" бош мураббийи Арне Слот 33 ёшли футболчини "Брайтон"га қарши ўйин олдидан таркибга қайтаришга қарор қилди, аммо "чайкалар" билан ўйиндан сўнг мерсисайдликлар яна юлдуз ҳужумчисини йўқотади - у Африка Кубоги учун Миср терма жамоаси қароргоҳига жўнаб кетади. Журналист Алекс Крукнинг маълум қилишича, "Ливерпуль" Салоҳ Англияга қайтганидан сўнг дарҳол кейинги ойда унинг клубда қолиши бўйича музокаралар ўтказади.
Мисрлик футболчининг амалдаги шартномаси 2027 йилнинг ярмигача мўлжалланган. Премьер-лиганинг ўтган мавсумидаги энг яхши тўпурарга Саудия Арабистони чемпионати вакиллари қизиқиш билдирмоқда.
