"Тоттенхэм" клуби ҳужумкор ярим ҳимоячиси Хави Симонс нима учун ёзда айнан лондонликлар сафига ўтишга қарор қилгани ҳақида гапирди.
"Шпорлар" нидерландиялик футболчини август ойи охирида Германиянинг "РБ Лейпциг" клубидан 65 млн евро эвазига сотиб олганди.
"Клуб жуда қизиқарли лойиҳани тақдим этди, жамоамизда кўплаб яхши ёш футболчилар бор - бу мени энг кўп руҳлантирди. Мен совринлар ютишни, барча турнирларда ғолиблик учун курашишни истайман. Ўйлайманки, "Тоттенхэм"га ўтиш - тўғри қарор," - дея 22 ёшли футболчининг интервьюсидан иқтибос келтиради инглиз ОАВ.
Хави Симонс Томас Франк жамоаси сафида 20 та ўйинда 2 та гол ва 3 та голли узатмага муаллифлик қилган.
