Англия Премьер-лигасида Лондоннинг "Вест Хэм" клуби шарафини ҳимоя қилаётган германиялик ҳужумчи Никлас Фюллькруг фаолиятини Италия чемпионатида давом эттириши мумкин. Бу ҳақда Gazzetta dello Sport журналистлари хабар бермоқда.
Манбага кўра, ҳужумчини "Милан" ўз сафига қўшиб олмоқчи. "Россонерилар" футболчини жорий мавсум якунига қадар ижарага олишни мўлжалламоқда. Немиснинг ўзи жамоасини ўзгартиришга тайёр, чунки у кўпроқ ўйин амалиётига эга бўлишни истайди.
Фюллькруг жорий мавсум "болғачилар"нинг 9 та ўйинида қатнашиб, рақиблар дарвозасига гол ура олмади. Унинг шартномаси 2028 йилнинг ярмигача мўлжалланган.
