"Сандерленд"нинг 20 ёшли хавбеки Ноа Садики Англия Премьер-лигасининг икки топ-клуби қизиқишлари доирасида бўлиб турибди. Бу ҳақда ижтимоий тармоқлар орқали инсайдер Саша Тавольери хабар бермоқда.
Журналистнинг маълумотига кўра, ярим ҳимоячи учун Лондоннинг "Челси" ва "Манчестер Юнайтед" клублари кураш олиб боради. Садикининг юқоридаги клублардан бирига ўтиши келаси йилнинг ёзида расмийлаштирилиши мумкин. Футболчининг бозор нархи 25 миллион еврога баҳоланмоқда ва унинг "қора мушуклар" билан шартномаси 2030 йилда тугайди.
2025/2026 йилги мавсумда ярим ҳимоячи Премьер-лигада 15 та баҳсда қатнашди.













