"Барселона" бош мураббийи Ханс-Дитер Флик жамоа ҳужумчиси Маркус Рэшфорд ҳақида фикр билдирди.
"Мен футболчилар билан гаплашаман ва улар нега ўйнамаётганининг сабабларини айтаман. Аммо Рэшфорд менга ҳеч нарсани тушунтиришнинг ҳожати йўқлигини айтди, чунки биринчи ўринда ғалаба қозониши керак бўлган жамоа туради. Бизда шундай футболчи борлигидан жуда хурсандман", - деди Флик журналистларга.
Эслатиб ўтамиз, Рэшфорд "Барселона" сафида ижара асосида тўп тепмоқда. У каталонияликлар сафида 21 та ўйинда майдонга тушиб, 6 марта рақиблар дарвозасини ишғол қилди ва 11 та голли узатмани амалга оширди.
