"АЗ Алкмаар" клубининг 19 ёшли ярим ҳимоячиси Кес Смит туманли Албионга бориши мумкин. Goal.com портали хабарига кўра, умидли футболчининг хизматларига Лондоннинг "Челси" клуби қизиқиш билдирмоқда.
Манбага кўра, "кўклар" раҳбарияти келаси йилнинг ёзида футболчини ўз сафига қўшиб олишга уриниб кўриши мумкин. Смитнинг бозор нархи 22 миллион еврони ташкил этади. Ярим ҳимоячи Нидерландия клуби билан 2028 йилнинг ярмигача мўлжалланган шартномага эга.
2025/2026 йилги мавсумда хавбек 25 та жангда иштирок этган. Смит иккита гол ва бешта голли узатмани ўз ҳисобига ёздириб қўйди.
