"Манчестер Сити" ва Испания терма жамоаси собиқ ярим ҳимоячиси Давид Силва Пеп Гвардиола қўл остида "шаҳарликлар" сафида ўйнаган вақтини ёдга олди.
"У билан ишлаш бутунлай бошқача даражада эди. У рақиб жамоа нима қилмоқчи эканлигини аллақачон билгани учун, ҳамма нарсани олдиндан тайёрлаб қўяр эди. Ўйин давомида барча ҳодисалар у айтиб берганидек кечди. Бу ўйинни ўқишнинг мутлақо янги даражаси эди. Унинг энг ёмон томони шундаки, у жуда талабчан; кўп эркинлик бермайди. Аммо бошқа жиҳатлардан Пеп ҳақиқий даҳо...", - деди Давид Силва.













