Лондоннинг "Арсенал" клуби ўнг қанот ҳимоячиси Бен Уайт Премьер-лига доирасидаги "Вулвехэмптон"га қарши ўйинда жароҳат олди.
Учрашувнинг 31-дақиқасида Микель Артета инглизни алмаштиришга мажбур бўлди.
"Биз ҳозирча вазият қанчалик жиддийлигини билмаймиз. Бен тизза ости пайида ноқулайлик сезди. Кутиш керак. Аммо бу унчалик яхши янгилик эмас", - дея "канонирлар" бош мураббийининг сўзларини келтиради журналист Коннор Хамм.
"Арсенал" - "Вулверхэмптон" учрашуви лондонликларнинг 2:1 ҳисобидаги ғалабаси билан якунланди. Майдон эгаларига "бўрилар"нинг иккита автоголи ёрдам берди.
