Киевнинг "Динамо", "Милан" ва Украина терма жамоасининг собиқ ҳужумчиси, ҳозирда Украина футбол ассоциацияси раҳбари Андрей Шевченконинг фикрича, келажакда унинг ҳамюртларидан бири "Олтин тўп" соҳибига айланади.
"21 йил олдин "Олтин тўп" соҳибига айландим. Мукофотга сазовор бўлган учинчи украиналик бўлиш мен учун катта шараф. Вақти келиб, Украина дунёга тўртинчи "Олтин тўп" соҳибини тақдим этади," - дейилади Шевченконинг ижтимоий тармоқдаги хабарида.
Эслатиб ўтамиз, Шевченкодан ташқари, украиналик афсонавий ҳужумчилар Олег Блохин ва Игор Беланов ҳам "Олтин тўп" соҳибига айланганди.
