"Ливерпуль" вингери Муҳаммад Салоҳ АПЛ 16-туридан ўрин олган "Брайтон"га (2:0) қарши баҳсдан сўнг мухлисларнинг қўллаб-қувватлашига муносабат билдирди.
Мисрлик футболчи ижтимоий тармоқларда "қизиллар" мухлислари финал ҳуштагидан сўнг уни олқишлаётгани акс этган видеони эълон қилди. Кадрларда ўйинчи трибуналарга қарсаклар билан жавоб бераётган эди.
Бу эпизод яқинда ҳужумчининг клубдаги келажаги ҳақидаги гап-сўзлар фонида кўзга ташланди. "Брайтон"га қарши ўйин олдидан "Ливерпуль" бош мураббийи Арне Слот Салоҳни жамоа қайдномасига қайтарди. Биринчи бўлим давомида 33 ёшли вингер захирадан майдонга тушди ва Экитикега голли узатмани амалга оширди.
Аввалроқ ОАВда Салоҳ қишки трансфер ойнасида клубни тарк этиш ҳақида ўйлаётгани ҳақида хабарлар тарқалган эди.
